10 kun oldin
2 ko'rish
Aktiv

Xatirchi tuman Maktabgacha va maktab ta'limi bo‘limi Hisob-kitob boʻyicha buxgalter

farqi yo`q
Oylik2 100 000 – 2 200 000 so'm

Ish tavsifi

Kompaniya: "XATIRCHI TUMANI MAKTABGACHA VA MAKTAB TA'LIMI BO'LIMI" DAVLAT MUASSASASI Manzil: Mustaqillik ko‘chasi 2-uy Maosh: 2 100 000 – 2 200 000 so'm Ish vaqti: 09:00–13:00 Vazifalar: Markazlashtirilgan moliya-buxgalteriya xizmati umumtaʻlim muassasalari boʻyicha xodimlar bilan hisob-kitoblar boʻyicha bosh mutaxassis (guruh rahbari)ning lavozim yoʻriqnomasi 1-bob. Umumiy qoidalar 1. Mazkur lavozim yoʻriqnomasi Markazlashtirilgan moliya-buxgalteriya xizmati (keyingi oʻrinlarda Buxgalteriya xizmati deb yuritiladi) umumtaʻlim muassasalari boʻyicha Xodimlar bilan hisob-kitoblar boʻyicha bosh mutaxassis (guruh rahbari) (keyingi oʻrinlarda Bosh mutaxassis deb yuritiladi)ning lavozim majburiyatlari, huquqlari va javobgarliklarini belgilab beradi. 2. Bosh mutaxassis tuman (shahar) Maktabgacha va maktab taʻlimi boʻlimi boshligʻining buyrugʻiga koʻra lavozimga tayinlanadi va lavozimdan ozod etiladi. Bosh mutaxassis bevosita maktabgacha va maktab taʻlimi boʻlimiga boʻysunadi va oʻz faoliyatini boʻlim boshligʻi tomonidan tasdiqlangan ish rejasi asosida amalga oshiradi. 3. Bosh mutaxassis Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi qarorlariga, Oʻzbekiston Respublikasi Prezidenti Farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, vazirlikning hayʼati qarorlari, vazirning buyruqlariga hamda boshqarma boshligʻi koʻrsatmalariga (bundan buyon matnda Oʻzbekiston Respublikasi Prezidenti va Hukumati hamda vazirlikning hujjatlari deb yuritiladi), “Oʻzbekiston Respublikasi Maktabgacha va maktab taʼlimi vazirligi Markaziy apparatida ish yuritish va hujjatlar ijrosini nazorat qilish toʻgʻrisidagi Yoʻriqnoma” hamda mazkur yoʻriqnomaga amal qilgan holda faoliyatini olib boradi. 2-bob. Markazlashtirilgan moliya-buxgalteriya xizmati umumtaʻlim muassasalari boʻyicha Xodimlar bilan hisob-kitoblar boʻyicha bosh mutaxassis (guruh rahbari)ning lavozim majburiyatlari 4. Bosh mutaxassis quyidagilarni amalga oshiradi: bevosita Buxgalteriya xizmati Bosh hisobchisiga buysunadi; ichki mehnat tartib qoidalariga rioya qiladi; Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi qarorlariga, Oʻzbekiston Respublikasi Prezidenti Farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, vazirlikning hayʻati qarorlari, vazirning buyruq va farmoyishlariga, vazirlikning hujjatlari hamda koʻrsatmalariga, boshqarmaning Hayʻati qarorlari, boshliq buyruqlari va topshiriqlari bilan yuklangan vazifalarning oʻz vaqtida ijro etilishini taʻminlagan holda faoliyatini olib boradi; Maktabgacha va maktab taʻlimi vazirligining “ Maktabgacha va maktab taʻlimi tizimida moliya-buxgalteriya xodimlarining moliyaviy savodxonligini oshirish” toʻgʻrisidagi 2024-yil 16-dekabrdagi 397-sonli buyrigʻiga asosan onlayn malaka oshiriv kurslarida hamda oflayn tashkil etiladigan imtixonlarda ishtirok etadi va sertifikat oladi; maktabgacha va maktab taʻlimi boʻlimining va Buxgalteriya xizmati tomonidan qamrab olingan muassasa va tashkilotlar xodimlariga ish haqi va unga tenglashtirilgan toʻlovlar, shuningdek, homiladorlik va tugʻish nafaqasi boʻyicha toʻlovlarni oʻz vaqtida hamda toʻliq hajmda toʻlaydi; moliyaviy xato va kamchiliklarni oldini olish maqsadida xodimlar bilan hisob-kitoblar, shu jumladan, ish haqi va unga tenglashtirilgan toʻlovlarni toʻgʻri va maqsadli amalga oshirilishini taʻminlaydi; maktabgacha va maktab taʻlimi boʻlimining va Buxgalteriya xizmati tomonidan qamrab olingan muassasa va tashkilotlarida ortiqcha rejalashtirilganligi aniqlangan mablagʻlar, shtat birliklari toʻldirilmaganligi, shuningdek, tarmoq, shtatlar va kontingentlar boʻyicha reja bajarilmaganligi natijasida boʻshab qoladigan mablagʻlarni chegirish boʻyicha doimiy tahlil qiladi va chegiriladigan mablagʻlar toʻgʻrisida Bosh hisobchi hamda Bosh iqtisodchiga axborot kiritib boradi; maktabgacha va maktab taʻlimi boʻlimining va Buxgalteriya xizmati tomonidan qamrab olingan muassasa va tashkilotlarning xarajatlar smetasida rejalashtirilgan mablagʻlarni oʻz vaqtida oʻzlashtirilishini taʻminlaydi; buxgalteriya hisobi va hisobotlarini amaldagi meʻyoriy huquqiy hujjatlarda belgilangan tartibda rasmiylashtiradi hamda yuritadi; maktabgacha va maktab taʻlimi boʻlimining va Buxgalteriya xizmati tomonidan qamrab olingan muassasa va tashkilotlar xodimlariga ish haqi va unga tenglashtirilgan toʻlovlar boʻyicha tegishli davr uchun moliyaviy hisobotlarni shakllantiradi; Davlat byudjetidan ajratilayotgan mablagʻlardan maksadli, samarali va oqilona foydalanish, mablagʻlarning maqsadsiz sarflanishini nazorat qilish, moliyaviy xato va kamchiliklar kelib chiqishi mumkin boʻlgan holatlarni oldini olish, byudjet intizomiga rioya etadi; moliyaviy sohaga oid boʻlgan hududiy va respublika miqyosida seminarlar, kengash yigʻilishlari, oʻquvlar, anjumanlar va boshqa tadbirlarda ishtirok etadi; “Yuridik va jismoniy shaxslarni murojaatlari toʻgʻrisida”gi Qonunda belgilangan tartibda fuqarolardan kelib tushgan murojaatlarga javob xatlari tayyorlaydi; lavozim majburiyatiga yuklatilgan vazifalarni amalga oshirilishi yuzasidan Bosh hisobchiga axborot kiritib boradi. 3-bob. Markazlashtirilgan moliya-buxgalteriya xizmati umumtaʻlim muassasalari boʻyicha Xodimlar bilan hisob-kitoblar boʻyicha bosh mutaxassis (guruh rahbari)ning huquqlari 5. Bosh mutaxassis quyidagi huquqlarga ega: oʻz zimmasiga yuklatilgan majburiyatlarning oʻziga xos xususiyati va murakkabligiga, bajarilgan ishlarning miqdori hamda sifatiga muvofiq oʻz vaqtida va toʻliq hajmda ish haqi olish; kasbiy kompetensiyalari va alohida xizmatlari uchun ragʻbatlantirilish; davlat organining mablagʻlari hamda qonunchilikda taqiqlanmagan boshqa mablagʻlar hisobidan muntazam ravishda malakasini oshirib borish; mehnat toʻgʻrisidagi qonunchilikda belgilangan tartibda hamda shartlarda mehnat shartnomasiga oʻzgartishlar kiritish va shartnomani bekor qilish; oʻz mansab vakolatlarini, xizmat majburiyatlarini va javobgarligini belgilovchi lavozim yoʻriqnomasi va boshqa hujjatlar bilan tanishish; mehnatni muhofaza qilish talablariga muvofiq boʻlgan ish oʻrniga ega boʻlish; ish vaqti davomiyligining chegarasini, ayrim davlat fuqarolik xizmatchilari uchun qisqartirilgan ish vaqtini belgilash, har haftalik dam olish kunlari, ishlanmaydigan bayram kunlari, shuningdek yillik mehnat taʼtillari berish orqali taʼminlanadigan tarzda dam olish; qonunchilikka muvofiq huquqiy va ijtimoiy jihatdan himoya qilinish, shuningdek davlat pensiya taʼminotini olish; davlat organining qonunga xilof qarorlari va uning mansabdor shaxslarining qonunga xilof harakatlari (harakatsizligi) ustidan shikoyat qilish; davlat organi rahbariyatining noqonuniy topshiriq va talablarini bajarishdan bosh tortish; davlat fuqarolik xizmatidagi korrupsiyaga oid huquqbuzarliklar faktlari toʻgʻrisida xabar bergan taqdirda, davlat himoyasi bilan taʼminlanish; xizmatga oid masalalar yuzasidan davlat organining rahbariyatiga oʻz fikrini bildirish, oʻzi davlat fuqarolik xizmatini oʻtayotgan davlat organining faoliyatini takomillashtirish boʻyicha takliflar kiritish; oʻzining shaʼni, qadr-qimmati va ishchanlik obroʻsi davlat organining rahbariyati hamda boshqa mansabdor shaxslar tomonidan hurmat qilinishi; davlat organi tomonidan qayta tayyorlash va malaka oshirishga yuborilgan taqdirda, shuningdek qonunchilikda nazarda tutilgan boshqa hollarda davlat fuqarolik xizmati lavozimining va ish haqining saqlanib qolishi; qonunchilikda belgilangan tartibda davlat fuqarolik xizmatini oʻtash vaqtida yetkazilgan moddiy zararning oʻrni qoplanishi va maʼnaviy ziyonning kompensatsiya qilinishi; oʻzining mehnat huquqlari, erkinliklari va qonuniy manfaatlarini qonunda taqiqlanmagan barcha usullar bilan himoya qilish; davlat fuqarolik xizmati masalalari yuzasidan maxsus vakolatli davlat organiga murojaat qilish; oʻzining shaxsiy hujjatlari toʻplami bilan tanishish; zimmasiga yuklatilgan vazifalar va funksiyalarni bajarish uchun zarur boʻlgan maʼlumotlar, xulosalar va boshqa hujjatlarni boʻlim xodimlari va boshqarmadan, tasarrufdagi tashkilotlar shuningdek boshqa davlat va xoʻjalik boshqaruvi organlaridan belgilangan tartibda soʻrab olish va ular bilan oʻzaro hamkorlik qilish; xizmat majburiyatlari doirasida xizmat aloqasi, davlatlararo va shaharlararo aloqa, elektron pochta, internet tarmogʻidan tekin foydalanish; mehnat qonunchiligi asosida xodimlarini lavozimga tayinlash va lavozimdan ozod etish, shuningdek, alohida oʻrnak koʻrsatgan xodimlarni ragʻbatlantirish yuzasidan boʻlim boshligʻiga takliflar kiritish; oʻz yoʻnalishi boʻyicha, shuningdek, shaxsiy rivojlanishga qaratilgan malakasini oshirish va qayta tayyorlash kurslarida ishtirok etish; qonun hujjatlariga muvofiq boshqa huquqlarga ham ega boʻlishi mumkin. 4-bob. Markazlashtirilgan moliya-buxgalteriya xizmati umumtaʻlim muassasalari boʻyicha Xodimlar bilan hisob-kitoblar boʻyicha bosh mutaxassis (guruh rahbari)ning javobgarligi 6. Oʻz lavozim majburiyatlari hamda boʻlim nizomiga muvofiq Shoʻbaga yuklatilgan vazifalar va funksiyalarning sifatli va oʻz vaqtida bajarilishi uchun javob beradi. 7. Faoliyati bilan bogʻliq boʻlgan prognoz koʻrsatkichlarga erishilishi uchun javob beradi. 8. Foydalanish uchun oʻziga topshirilgan mebel, xona jihozlari, tashkiliy va maishiy texnikadan oqilona foydalanilishi hamda ularning but saqlanishini va oʻzi ish olib boradigan xonada yongʻin xavfsizligi talablariga rioya qilinishini taʼminlaydi. 9. Hujjatlar bilan ishlash, ularni belgilangan tartibda saqlanishini taʼminlashga shaxsan javob beradi. 10. Imzo qoʻygan hujjatlarning va oʻzi bergan xulosalarning qonunchilikka muvofiqligi uchun javob beradi. 11. Oʻzbekiston Republikasi Adliya vazirligida 2010-yil 22-dekabrda 2169-son bilan roʻyxatga olingan “Byudjet tashkilotlarida buxgalteriya hisobi toʻgʻrisidagi yoʻriqnoma”ga muvofiq taʻlim tashkilotlarining ish haqi va unga tenglashtirilgan toʻlovlarning oʻratilgan tartibda hisob kitob qilinishi va toʻlovlarning amalga oshirilishiga hamda toʻgʻri yuritilishiga javob beradi. 12. Mazkur lavozim yoʻriqnomasi va boshqa qonun hujjatlariga asosan zimmasiga yuklatilgan majburiyatlarni bajarmaganligi yoki lozim darajada bajarmaganligi uchun Oʻzbekiston Respublikasi qonunchiligiga muvofiq tegishli tartibda intizomiy va moddiy javobgardir. Mas'ul shaxs: ASKAROV ULUG‘BEK IBRAGIMOVICH

Ish joyi

Xatirchi, Navoiy viloyati

Xarita yuklanmoqda...

Yuklash tugadi
E'lon beruvchiFoydalanuvchi1 ta e'lon · Sahifasini ko'rish

Boshqa ish elonlarini xam kormoqchimisiz ?

Sizga mos bo‘lishi mumkin bo‘lgan ish eʼlonlari!